Chelsea vann öruggan sigur í fyrsta leiknum hans Mourinho

Chelsea byrjar vel undir stjórn Jose Mourinho en liðið vann 2-0 sigur á Hull í fyrstu umferð ensku úrvalsdeildarinnar í dag. Chelsea átti að skora miklu fleiri mörk en þau tvö sem liðið náði að skora.

Fernando Torres fiskaði víti strax á 5. mínútu leiksins en Frank Lampard lét verja frá sér spyrnuna. Lampard átti nú eftir að bæta fyrir það.

Oscar skoraði fyrsta markið á 13. mínútu eftir frábæra sókn og stoðsendingu frá Kevin De Bruyne. Frank Lampard kom Chelsea síðan í 2-0 með skoti beint úr aukaspyrnu á 25. mínútu.

Chelsea-liðið var frábært í fyrri hálfleiknum og gestirnir frá Hull gátu þakkað fyrir að vera bara 0-2 undir í hálfleik.

Það gekk aðeins betur hjá Hull í seinni hálfleiknum en sigur Chelsea-liðsins var aldrei í hættu. Mörkin urðu þá ekki fleiri en tvö.