Rodgers: Liverpool verður að komast í Meistaradeildina

Brendan Rodgers, knattspyrnustjóri Liverpool, gerir sér grein fyrir því að það er krafa á Anfield að hann komi liðinu aftur í Meistaradeildina en þetta er fjórða tímabilið í röð þar sem Liverpool er ekki í Meistaradeildinni.

Liverpool endaði í sjöunda sæti í ensku úrvalsdeildinni á síðustu leiktíð og var aldrei inn í baráttunni um sæti í Meistaradeildinni. Liðið hefur endaði í 6. til 8. sæti undanfarin fjögur tímabil.

„Liverpool verður að komast í Meistaradeildina. Þetta er mikil áskorun en það er bara hluti af því að vera stjóri hjá svona stóru félagi. Ég ætla ekki að koma með neinar afsakanir. Ég get sagt að (Manchester) City hafi eitt 90 milljónum punda og að hin liðin hafi líka styrkt sig," sagði Brendan Rodgers og bætti við:

„Mælikvarðinn á gengi Liverpool verður alltaf Meistaradeildin en ég vissi vel út í hvaða starf ég var að fara. Liverpool verður að bera sig fjárhagslega og fyrir fjórum árum varð félagið næstum því gjaldþrota. Það breytir ekki kröfunum og það ætti heldur ekki að gera það. Það er ástæðan fyrir því að ég vil ekki vera hjá neinum öðrum klúbbi," sagði Brendan Rodgers.

Hér fyrir ofan má sjá myndband með blaðmannafundi Brendan Rodgers fyrir leikinn á móti Stoke sem hefst klukkan 11.45.