Sjáið blaðamannafundinn hjá Jose Mourinho

Jose Mourinho, knattspyrnustjóri Chelsea, er kominn aftur í ensku úrvalsdeildina og hann var sjálfum sér líkur þegar hann mætti á blaðamannafund fyrir fyrsta leik Chelsea-liðsins sem er á móti nýliðum Hull City á morgun.

Jose Mourinho gerði Chelsea tvisvar að enskum meisturum á sínum tíma og enginn annar knattspyrnustjóri er með betra sigurhlutfall í ensku úrvalsdeildinni en hann (70 prósent). Mourinho hefur alltaf talað vel um ensku úrvalsdeildina og er nú kominn aftur í slaginn.

„Mér finnst ég eiga að vera í þessari deild og þetta er mín uppáhaldsdeild. Ég get sagt það því ég hef reynslu frá þremur öðrum löndum," sagði Jose Mourinho meðal annars á blaðamannafundi fyrir leikinn en það er hægt að sjá myndband frá blaðamannafundi Portúgalans með því að smella hér fyrir ofan.