Chelsea ætlar að kaupa framherja

Chelsea hefur ekki gefið upp alla von um að fá Wayne Rooney til félagsins. Chelsea ætlar sér að kaupa framherja, sama hvort það verði Rooney eða einhver annar.

Man. Utd hefur þegar hafnað tveimur tilboðum í Rooney og sagt að leikmaðurinn sé ekki til sölu. Rooney var á bekknum um helgina og kom inn af honum í síðari hálfleik í sigurleiknum gegn Swansea.

Það eru enn um tvær vikur þar til leikmannamarkaðurinn lokar og því gæti margt breyst á þeim tíma.

"Við munum reyna fram á lokadag að fá framherja til okkar. Vandamálið er að núna eru engir framherjar á lausu og því þarf að kaupa manninn," sagði Jose Mourinho, stjóri Chelsea, en hann vildi ekki nefna hvaða leikmenn hann hefði áhuga á.

"Við reynum ekki, eins og mörg lið, að tala hátt og reyna að hafa áhrif á ákvarðanir leikmanna. Ef við gerum tilboð þá er það gert formlega. Við tölum ekki við mennina heldur félögin."