Eins yndisleg stund og að vinna stóru titlana með Liverpool

Steven Gerrard sagði það hafa verið tilfinningaþrungna sund þegar hann gekk inn á völlinn fyrir heiðursleik sinn gegn Olympiacos á Anfield í dag.

Liverpool vann 2-0 sigur með mörkum Joe Allen og Jordan Henderson en meðal þeirra sem komu við sögu í búningi Liverpool í dag var Robbie Fowler.

„Stuðninsmennirnir hafa alltaf verið frábærir í minn garð allt frá því ég spilaði fyrst fyrir félagið. En að ganga út á leikvanginn með litlu dætrum mínum þremur, sem skipta mig mestu máli í lífinu, var jafn yndisleg stund og að vinna stóru titlana með Liverpool," sagði Gerrard í viðtali eftir leikinn.

Allur ágóði af leiknum rann til góðgerðarmála.