Chelsea að undirbúa þriðja tilboðið í Rooney

Guardian slær því upp í kvöld að Chelsea sé að undirbúa þriðja tilboðið í Wayne Rooney en Manchester United hefur þegar hafnað tveimur tilboðum Chelsea í enska landsliðsmanninn.

José Mourinho, knattspyrnustjóri Chelsea, vill ólmur fá Wayne Rooney á Stamford Bridge en seinna tilboðið sem Manchester United hafnaði er talið að vera um 25 milljónir enskra punda.

David Moyes, knattspyrnustjóri Manchester United, er búinn að segja mörgum sinnum að Wayne Rooney verði ekki seldur en Mourinho ætlar ekki að gefast upp.

Wayne Rooney æfir þessa dagana með varaliði Manchester United og það er búist við því að hann óski efrir því að vera seldur á allra næstu dögum.

Rooney er sagði vera meiddur og það sé ástæðan fyrir að hann tekur ekki þátt í undirbúningstímabili Manchester United en hann var þrátt fyrir þessi meiðsli valinn í enska landsliðið í dag.