Rodgers um Luis Suarez: Hann fer að átta sig

Brendan Rodgers, knattspyrnustjóri Liverpool, er viss um að Úrúgvæmaðurinn Luis Suarez fari nú að sætta sig við það að hann verði áfram leikmaður Liverpool.

Luis Suarez hefur ekki vakið miklar vinsældir á Anfield og nágrenni fyrir framkonu sína að undanförnu enda hefur hann reynt allt þess að þvinga Liverpool til að selja sig til Arsenal.

Liverpool hefur þegar hafnað 40 milljón punda tilboði frá Arsenal og bæði knattspyrnustjórinn og eigandinn John W Henry hafa lýst því yfir að leikmaðurinn verði ekki seldur.

„Það fer að koma að því að hann áttar sig á því að félagið er ekki að fara að selja hann," sagði Brendan Rodgers í viðtali við BBC.

„Við erum rólegir yfir þessu og félagið hefur fulla stjórn í þessu máli," bætti Rodgers við.

„Við ætlum ekki að selja hann og höfðum alltaf sagt það," sagði Rodgers en Liverpool keypti Luis Suarez frá Ajax fyrir 22,7 milljónir punda í janúar 2011. Hann hefur skorað 51 mark í 96 leikjum fyrir Liverpool.