Bale: Mikilvægt að komast aftur á sigurbraut

Gareth Bale, leikmaður Tottenham Hotspurs, var virkilega ánægður með frammistöðu liðsins um helgina og að þeir séu á ný komnir á sigurbraut.

Tottenham vann fínan sigur á Swansea, 2-1, og komst upp í þriðja sæti deildarinnar eftir að Chelsea missteig sig gegn Southampton.

„Það var gríðarlega mikilvægt fyrir okkur að ná í sigur. Við höfðum tapað þremur leikjum í röð í öllum keppnum og það varð að stöðva þá þróun."

„Við erum enn að stefna að okkar markmiðum og eins og staðan er núna erum við að standast prófið."