Ashley Cole frá keppni næstu tvær vikurnar

Ashley Cole, varnarmaður Chelsea, verður frá keppni næstu tvær vikurnar eftir að hann tognaði aftan í læri gegn Manchester United í enska bikarnum í dag.

Cole meiddist í fyrri hálfleiknum og þurfti að fara af velli en Chelsea vann leikinn 1-0 og mætir Manchester City í undanúrslitum keppninnar.

Hann missir í það minnsta af næstu tveim leikjum liðsins og hætta á því að hann verði ekki með í undanúrslitaleiknum gegn City þann 14. apríl.

Varnarmaðurinn Gary Cahill er enn frá vegna meiðsla og verður það næstu tvær vikurnar og mega þeir bláklæddu ekki við þessum skakkaföllum.