Wilshere: Ég get betur

Hinn ungi miðjumaður Arsenal, Jack Wilshere, var ein af stjörnum enska liðsins gegn Brasilíu í gær en Wilshere átti magnaðan leik.

"Mér finnst ég alltaf vera að komast í betra og betra form. Ég er sáttur við standið á mér eins og það er núna. Nú er að halda áfram að standa sig með Arsenal og vonast til þess að vera valinn aftur í enska liðið. Ég get gert betur," sagði Wilshere sem pakkaði brasilísku stjörnunum saman hvað eftir annað í leiknum.

Wilshere var á miðjunni með Gerrard og Cleverley og mynduðu þeir ágætis teymi.

"Stevie talar allan leikinn og er að skipa okkur fyrir hægri vinstri. Við vorum allir að ná vel saman."