Rúmenskur miðvörður til Tottenham

Vlad Chiriches er genginn í raðir enska úrvalsdeildarfélagsins Tottenham Hotspur. Chiriches var áður á mála hjá Steaua Búkarest.

Rúmeninn hefur spilað með rúmensku meisturunum undanfarin tvö ár og hlotið lof fyrir. Miðvörðurinn 23 ára spilaði 62 leiki með liði sínu í höfuðborginni og skoraði í þeim fjögur mörk.

Chiriches á nítján landsleiki að baki fyrir hönd þjóðar sinnar. Kaupverðið hefur ekki verið gefið upp en talið er að það sé í kringum átta milljónir punda.