Park endurnýjar kynnin við Eindhoven

Suður-Kóreumaðurinn Ji-Sung Park hefur verið lánaður til PSV Eindhoven í Hollandi út leiktíðina.

Park, sem er samningsbundinn Queens Park Rangers, spilaði með PSV á árunum 2003-2005 en sló svo í gegn hjá Manchester United.

Park var einn fjölmargra leikmanna sem gengu til liðs við QPR síðastliðið sumar. Það dugði þó ekki til að bjarga liðinu frá falli.

QPR glímir við afar mikinn launakostnað og hafa Djibril Cisse, Christopher Samba og Adel Taarabt allir horfið á braut, ýmist fyrir fullt og allt eða verið lánaðir.