31 árs valinn í landsliðið í fyrsta skipti

Wayne Rooney hefur verið valinn í enska landsliðshópinn sem mætir Skotum í æfingaleik á miðvikudaginn. Rooney hefur ekkert spilað með liði sínu Manchester United á undirbúningstímabilinu vegna axlarmeiðsla.

Hinn 31 árs gamli Rickie Lambert hefur verið kallaður í hópinn í fyrsta skipti. Framherji Southampton fékk kallið enda mikið um meiðsli hjá framherjum Englands. Daniel Sturridge og Andy Carroll glíma við meiðsli og eru ekki í hópnum af þeim sökum.

Jermain Defoe er í hópnum sem kemur nokkuð á óvart enda fór hann snemma af velli vegna meiðsla aftan í læri í æfingaleik með Tottenham á dögunum. Hópinn má sjá hér að neðan.

Markverðir

Ben Foster (West Bromwich Albion), Joe Hart (Manchester City), John Ruddy (Norwich City)

Varnarmenn

Leighton Baines (Everton), Gary Cahill (Chelsea), Ashley Cole (Chelsea), Phil Jagielka (Everton), Glen Johnson (Liverpool), Phil Jones (Manchester United), Chris Smalling (Manchester United), Kyle Walker (Tottenham Hotspur)

Miðjumenn

Michael Carrick (Manchester United), Tom Cleverley (Manchester United), Steven Gerrard (Liverpool), Frank Lampard (Chelsea), Jack Wilshere (Arsenal)

Kantmenn

James Milner (Manchester City), Alex Oxlade-Chamberlain (Arsenal), Theo Walcott (Arsenal), Ashley Young (Manchester United), Wilfried Zaha (Manchester United)

Framherjar

Jermain Defoe (Tottenham Hotspur), Rickie Lambert (Southampton), Wayne Rooney (Manchester United), Danny Welbeck (Manchester United)