Lambert tryggði Southampton öll stigin - úrslitin í enska

Rickie Lambert átti frábæra innkomu í enska landsliðið í vikunni þegar hann skoraði með sinni fyrstu snertingu í sínum fyrsta landsleik og í dag tryggði hann Southampton 1-0 útisigur á West Bromwich Albion í fyrstu umferð ensku úrvalsdeildarinnar í dag.

Aston Villa, Fulham og West Ham fögnuðu einnig sigrinum í sínum leikjum en Norwich og Everton urðu að sætta sig við 2-2 jafntefli eftir að hafa komist bæði yfir í leiknum.

Sigurmark Rickie Lambert kom úr vítaspyrnu á 90. mínútu leiksins. Luke Shaw fiskaði vítið fyrir Southampton.

Pajtim Kasami skoraði eina markið í útisigur Fulham á móti Paolo Di Canio og lærisveinum hans í Sunderland en sigurmarkið kom með skalla eftir hornspyrnu.

Ricky van Wolfswinkel tryggði Norwich 2-2 jafntefli á móti Everton en hann var að spila sinn fyrsta deildarleik með liðinu. Öll fjögur mörk leiksins komu á tuttugu mínútna kafla í seinni hálfleik.

Christian Benteke skoraði tvö mörk og Antonio Luna eitt þegar Aston Villa vann 3-1 útisigur á Arsenal sem lék manni færri síðustu 23 mínútur leiksins.

Reynsluboltarnir Joe Cole og Kevin Nolan tryggðu West Ham 2-0 heimasigur á nýliðum Cardiff.



Úrslit og markaskorarar í ensku úrvalsdeildinni í dag:

Liverpool - Stoke    1-0

1-0 Daniel Sturridge (37.)

Arsenal - Aston Villa    1-3

1-0 Olivier Giroud (6.), 1-1 Christian Benteke (23.), 1-2 Christian Benteke, víti (62.), 1-3 Antonio Luna (85.)

Norwich - Everton    2-2

1-0 Steven Whittaker (51.), 1-1 Ross Barkley (61.), 1-2 Seamus Coleman (65.), 2-2 Ricky van Wolfswinkel (71.)

Sunderland - Fulham    0-1

0-1 Pajtim Kasami (53.)

West Bromwich - Southampton    0-1

0-1 Rickie Lambert, víti (90.)

West Ham - Cardiff    2-0

1-0 Joe Cole (11.), 2-0 Kevin Nolan (76.)