Daniel Sturridge með fyrsta mark tímabilsins

Daniel Sturridge skoraði fyrsta mark ensku úrvalsdeildarinnar á þessari leiktíð þegar hann skoraði með flottu skoti fyrir utan teig. Mark Liverpool var búið að liggja í loftinu en Asmir Begović, markvörður Stoke, var búinn að halda Stoke á floti í upphafi leiks.

Mark Daniel Sturridge kom á 37. mínútu en hann hafði áður skorað mark á 11. mínútu sem var réttilega dæmt af vegna rangstöðu. Iago Aspas gaf stoðsendinguna á Sturridge sem skoraði með hnitmiðuðu skoti í bláhornið.

Daniel Sturridge skoraði 10 mörk í 14 leikjum með Liverpool í ensku úrvalsdeildinni á síðustu leiktíð og hefur ekkert týnt markaskónum sínum í sumar.

Daniel Sturridge hefur þar með skorað 11 mörk á árinu 2013 eða einu marki meira en Luis Suarez. Sturridge er því markahæsti leikmaður Liverpool á árinu.