Real Madrid og Tottenham nálgast samkomulag um Modric

Spænska meistaraliðið Real Madrid og króatíski landsliðsmaðurinn Luka Modric er skrefi nær því að leikmaðurinn gangi í raðir félagsins frá Tottenham á Englandi. Daily Mail greinir frá því að Tottenham muni fá allt að 30 milljónir punda fyrir leikmanninn eða sem nemur um 6 milljörðum ísl. kr. Hinn 26 ára gamli miðvallarleikmaður hefur einnig verið orðaður við Chelsea á Englandi og PSG í Frakklandi.

Samkvæmt frétt Telegraph á Englandi vildi Daniel Levy stjórnarformaður Tottenham fá allt að 50 milljónir punda fyrir leikmanninn eða sem nemur 9.6 milljörðum kr.

Samningaviðræður standa yfir á milli Tottenham og Real Madrid og er búist við því að samningar náist á allra næstu dögum.