Ferguson yrði glaður ef Berbatov færi ekki frá Man Utd

Sir Alex Ferguson, knattspyrnustjóri Manchester United, segir að hann yrði glaður ef Dimitar Berbatov tæki þá ákvörðun að vera áfram í herbúðum liðsins. Búlgarski framherjinn hefur ekki verið í aðalhlutverki hjá Manchester United frá því hann var ekki valinn í leikmannahóp Man Utd fyrir úrslitaleik Meistaradeildar Evrópu árið 2010. Berbatov hefur lýst því yfir að hann hafi hug á því að finna sér nýtt lið en hann er samningsbundinn Man Utd og félagið vill fá eitthvað fyrir leikmanninn.

Berbatov hefur mátt sætta sig að vera í aukahlutverki í framlínu Man Utd þar sem að Danny Welbeck, Wayne Rooney og Javier Hernandez hafa verið fyrstu valkostir hjá Sir Alex Ferguson.

„Dimitar Berbatov er hefur frábæra hæfileika, ég þarf ekki að taka það fram," sagði Ferguson á fundi með fréttamönnum í Suður-Afríku i gær þar sem að Man Utd er í keppnisferð.

„Á síðustu leiktíð fékk hann ekki eins mörg tækifæri til þess að spila og hann hafði óskað eftir. Það er erfitt fyrir leikmann á hans aldri að sætta sig við slíkt. Hann á enn framtíð fyrir sér hjá okkur en ef hann vill fara þá er staðan önnur. Ég hef ekkert á móti því að hann verði áfram hjá okkur, það myndi gleðja mig. Ef eitthvað lið vill fá Dimitar og hann vill fara þá tökum við á því máli," sagði Ferguson.