Ledley King leggur skóna á hilluna

Ledley King, fyrirliði enska úrvalsdeildarliðsins Tottenham, hefur lagt skóna á hilluna en hann er aðeins 31 árs gamall. King hefur glímt við meiðslí mörg ár og var greint frá ákvörðun hans á heimasíðu félagsins.

King lék í 14 ár með Tottenham og er það eina félagið sem hann hefur leikið með. Þrálát hnémeiðsli gerðu það að verkum að hann gat ekki haldið áfram að spila fótbolta sem atvinnumaður. King mun taka að sér ýmis störf fyrir Tottenham en hann lék 323 leiki fyrir félagið og skoraði varnarmaðurinn 14 mörk. Hann náði aðeins einu sinni að leika alla leikina á einu tímabili en það var veturinn 2004-2005.