Stórkostlegum Ólympíuleikum lýkur í kvöld

Lokaathöfn Ólympíuleikanna í Lundúnum er hafin. Mikil leynd hvílir yfir athöfninni og hafa skipuleggjendur hennar forðast að gefa upp hvaða listamenn munu koma fram.

Kvikmyndagerðarmaðurinn Stephen Daldry er leikstjóri lokasýningarinnar. Hann er einna þekktastur fyrir að hafa framleitt og leikstýrt bresku kvikmyndinni Billy Elliott.

Daldry lofar mikilli skemmtun og segir að sýningin muni slá setningarathöfn Danny Boyles við. Þá sagði hann að lokaathöfninn yrði stærsta partý mannkynssögunnar.

Athöfnin hófst núna klukkan átta og stendur yfir í þrjá tíma. Hápunktinum verður náð þegar sinfóníuhljómsveit Lundúna stígur á svið ásamt fjölmörgum þekktum tónlistarmönnum. Orðrómur hefur verið á kreiki að um dívurnar í Spice Girls muni koma fram. Þá er einnig gert ráð fyrir að Elton John, The Who og Adele muni skemmta heimsbyggðinni í kvöld.

Það mun síðan eflaust kæta marga þegar grínistinn og meðlimur Monty Python grínhópsins stígur á stokk. Talið er að hann muni leiða fjöldann í hópsöng og þykir líklegt að lagið Alway Look on the Bright Side of Life verði fyrir valinu.