Hodgson búinn að velja EM-hópinn - veðjar á Downing og Carroll

Roy Hodgson, nýr landsliðsþjálfari Englendinga, er búinn að tilkynna 23 manna EM-hóp Englendinga fyrir komandi Evrópumót í Póllandi og Úkraínu í sumar en fréttir af hópnum höfðu verið að leka út í enska fjölmiðla í morgun.

Hodgson valdi Liverpool-mennina Andy Carroll og Stewart Downing í hópinn sinn þrátt fyrir að hafa ekki verið sannfærandi á þessu tímabili og þá velur hann að taka vandræðagemlinginn John Terry með en velur hinsvegar ekki Rio Ferdinand.

Hodgson velur einnig Arsenal-manninn Alex Oxlade-Chamberlain í hópinn en hann hefur ekki spilað áður með enska landsliðinu. John Ruddy, markvörður Norwich, er hinn nýliðinn í hópnum.

Margir vildu sjá menn eins og Grant Holt, Michael Carrick og Micah Richards í liðinu en þeir voru ekki valdir.

Roy Hodgson heldur blaðamannafund á Wembley í hádeginu þar sem hann fer yfir valið sitt en þetta er jafnframt fyrsti landsliðshópurinn sem hann velur síðan að hann gerðist þjálfari enska liðsins.

Englendingar spila tvo vináttulandsleiki fram að EM. Þeir mæta Norðmönnum í Osló 26. maí og taka á móti Belgum á Wembley 2. júní.

Landsliðshópur Englendinga á EM 2012:

Markverðir

Robert Green (West Ham United)

Joe Hart (Manchester City)

John Ruddy (Norwich City)

Varnarmenn

Leighton Baines (Everton)

Gary Cahill (Chelsea)

Ashley Cole (Chelsea)

Glen Johnson (Liverpool)

Phil Jones (Manchester United)

Joleon Lescott (Manchester City)

John Terry (Chelsea)

Miðjumenn

Gareth Barry (Manchester City)

Stewart Downing (Liverpool)

Steven Gerrard (Liverpool)

Frank Lampard (Chelsea)

James Milner (Manchester City)

Scott Parker (Tottenham Hotspur)

Alex Oxlade-Chamberlain (Arsenal)

Theo Walcott (Arsenal)

Ashley Young (Manchester United)

Sóknarmenn

Andy Carroll (Liverpool)

Wayne Rooney (Manchester United)

Daniel Welbeck (Manchester United)

Jermain Defoe (Tottenham Hotspur)

Til vara:

Jack Butland (markvörður), Adam Johnson, Daniel Sturridge, Phil Jagielka, Jordan Henderson.