Hazard fór á leik Manchesterliðanna

Belginn Eden Hazard kann því greinilega vel að vera einn eftirsóttasti leikmaður Evrópu og hann ætlar að draga það á langinn að greina frá því hvert hann fari í sumar.

Þessi 21 árs leikmaður er einna helst orðaður við Man. Utd eftir að félag hans, Lille, gaf það út að hann yrði seldur í sumar.

Hann er einnig orðaður við Man. City og Hazard var mættur á leik liðanna á dögunum.

"Ég kann vel við bæði rautt og blátt. Báðir þessir litir fara mér vel," sagði Hazard aðspurður um hvort hann væri hrifnari af rauða eða bláu sem eru litir Manchesterliðanna.