Enski boltinn

Björn seldur til Wolves á tæpar 500 milljónir króna

Björn í leik með Lilleström.
Björn í leik með Lilleström.
Lilleström er búið að selja Björn Bergmann Sigurðarson til enska liðsins Wolves. Það staðfestir umboðsmaður hans, Jerry de Koning, við norska fjölmiðla í dag. Björn mun skrifa undir fjögurra ára samning við Úlfana.

Wolves kaupir Björn á 473 milljónir króna sem gerir Björn að einum dýrasta leikmanni Íslandssögunnar.

Það er þó ekki alveg klárt að Björn fari til Úlfanna. Hann þarf nefnilega að spila með Lilleström fram í miðjan júli. Meiðist hann í þeim leikjum verður ekkert af sölunni.

Björn mun fara í læknisskoðun hjá enska félaginu þann 16. júlí. Gangi allt vel þar mun hann spila með Wolves næsta vetur.

Þessi tíðindi koma nokkuð á óvart í ljósi þess að Björn sagði á Twitter fyrr í dag að hann fengi ekki að fara frá Noregi. Lilleström ætlaði að þvinga hann til þess að vera þar áfram.


Tengdar fréttir

Björn Bergmann ósáttur | fær ekki að yfirgefa Lilleström

Björn Bergmann Sigurðarson virðist ekki vera að fara frá norska úrvalsdeildarliðinu Lilleström. Skagamaðurinn skrifar á Twitter síðu sína í dag að hann hafi fundað með stjórn félagsins og niðurstaðan verði sú að félagið vill ekki selja hann að svo stöddu. "Ég var að ljúka við fund með stjórninni, þeir ætla að neyða mig til að vera áfram, ég er andlega niðurbrotinn, ég vil fara,“ skrifar Björn Bergmann á Twitter.

Mest lesið


Fleiri fréttir

Sjá meira


×

Mest lesið