Eigendur Man. Utd vita hvernig maður á að leysa Ferguson af

Þó svo það liggi ekki fyrir hvenær Sir Alex Ferguson hætti sem stjóri Man. Utd þá eru eigendur félagsins þegar farnir að undirbúa sig fyrir þa´stóru breytingu.

Þeir segjast vita hvernig týpu þeir vilji fá til þess að leysa Ferguson af hólmi. Skoski stjórinn verður 71 árs á gamlársdag.

"Við vitum hvað við viljum gera en þau plön eru ofan í skúffu og verða það áfram á meðan Ferguson er enn að stýra liðinu," sagði Ed Woodward í stjórn Man. Utd.

Woodward bætti líka við að eigendur félagsins, Glazer-fjölskyldan, væri ekki á förum og ætlaði sér að eiga félagið næstu árin.