Telur sig hafa séð McCann á Ibiza

Hann segir í viðtali við The Sun að hann hafi aldrei haft neinn sérstakan áhuga á sakamálinu dularfulla en McCann hvarf í Portúgal árið 2007.

Bode lýsir því að stúlkan hafi verið í fylgd með þýskri fjölskyldu. Faðirinn var þýskur, en Bode sagði að móðirin virtist bresk, en öll töluðu þau þýsku. Þá voru tveir bræður með fjölskyldunni, sem Bode segir að hafi snert stúlkuna með undarlegum hætti, án þess að það hafi verið útskýrt frekar.

Bode sagði stúlkuna hafa vakið athygli sína, ekki síst vegna þess að hún virtist illa áttuð og talaði öðruvísi en fjölskyldan, það er að segja með breskum hreim.

The Sun leitaði upplýsinga hjá lögreglunni sem staðfesti að þeim hefði borist ábendingin en embættið tjáir sig ekki lengur um rannsókn málsins sem hefur vakið heimsathygli og er með dularfyllri ráðgátum síðari ára.