Erlent

"Tony var vinur minn og ég mun sakna hans"

Talið er að breski kvikmyndagerðarmaðurinn Tony Scott, sem svipti sig lífi í gær, hafi nýlega verið greindur með ólæknandi heilakrabbamein. Það er bandaríska fréttastofan ABC sem greinir frá þessu.

Mikið hefur verið fjallað um fráfall Scotts í bandarískum fjölmiðlum í dag. Það ætti svo sem ekki að koma á óvart enda var Scott einn áhrifamesti kvikmyndagerðarmaður síðustu ára.

Scott hefur unnið með mörgum af vinsælustu leikurum veraldar. Þar á meðal hefur hann leikstýrt Denzel Washington í fjölda kvikmynda. En samstarf hans og Tom Cruise er að öllum líkindum það þekktasta og er kvikmyndin Top Gun frá árinu 1986 víðfræg.

„Tony var vinur minn og ég mun sakna hans," segir í yfirlýsingu frá Cruise. „Hann var stórfenglegur listamaður sem hafði stórbrotin áhrif á kvikmyndagerð."

Samstarfsmenn og vinir Scotts hafa vottað honum virðingu sína í dag, þar af margir á Twitter.

Mest lesið


Fleiri fréttir

Sjá meira


×

Mest lesið