Markalaust hjá Stoke og Arsenal

Stoke og Arsenal gerðu markalaust jafntefli í fyrri leik dagsins í ensku úrvalsdeildinni í fótbolta. Arsenal setti harða pressu að marki Stoke er leið á leikinn en liðið náði ekki að angra Vito Mannone í marki Stoke að neinu ráði.

Arsenal gerði einnig markalaust jafntefli í fyrsta leik sínum í deildinni og á því enn eftir að skora eftir að Robin van Persie gekk til liðs við Manchester United rétt fyrir mót.

Stoke er með tvö stig eftir fyrstu tvær umferðirnar líkt og Arsenal en Stoke gerði  1-1 jafntefli gegn Reading í fyrstu umferðinni.

Þessi leikur fer seint í sögubækurnar fyrir skemmtanagildi og opin færi og þarf Arsene Wenger stjóri Arsenal að hressa upp á sóknarleik sinna manna ætli liðið ekki að missa helstu keppinautana of langt fram úr sér strax í  upphafi móts.