Owen er enn án félags

Hestaáhugamaðurinn og framherjinn Michael Owen er ekki af baki dottinn og hann stefnir ótrauður á að finna sér nýtt félag áður en félagaskiptaglugginn lokar.

Owen er frjáls eins og fuglinn og getur samið við það lið sem hann vill. Þessi 32 ára gamli leikmaður segist vera búinn að ræða við nokkur lið.

"Hlutirnir gerast oft seint í þessum málum en ég reikna með því að máta nýja treyju fyrir lok næstu viku, Það lið verður væntanlega í úrvalsdeildinni," sagði Owen.

Hann hefur verið orðaður meðal annars við Everton og Stoke. Hann lék síðast með Man. Utd.