Jarðskálfti við El Salvador

Jarðskjálfti upp á sjö komma þrjú stig varð við strendur El Salvador í nótt. Skjálftamiðjan var rúmlega hundrað kílómetra suðvestan við San Miguel en upptök hans voru á fimmtíu og þriggja kílómetra dýpi.

Skjálftinn var snarpur og hafa nokkrir öflugir eftirskjálftar riðið yfir landið í morgun.

Flóðbylgjuviðvörun var gefin út fyrir nær öll ríki í Mið-Ameríku en hún var seinna meir dregin til baka. Haffræðingar í Bandaríkjunum hafa þó gefið út að minniháttar flóðbylgjur hafi myndast.