Íslendingar í New Orleans búa sig undir fellibyl

Neyðarástandi hefur verið lýst yfir í fjórum fylkjum Bandaríkjanna vegna hitabeltisstormsins Ísaks. Spáð er að hann nái landi annað kvöld. Íslenskur námsmaður í New Orleans ætlar að vera um kyrrt á á heimili sínu meðan Ísak fer yfir, og telur líf sitt ekki í hættu.

Íbúar New Orleans eru margir óttaslegnir, minnugir fellibyljarins Katrínu sem þar fór um fyrir sjö árum og lagði borgina eftir í rúst. Minnst tíu eru látnir eftir að Ísak fór yfir Haítí.

Jón Gunnar Gylfason kvikmyndagerðarmaður tók myndir í borginni í dag sem sjá má í viðhengi, en hann hefur verið búsettur þar í fjögur ár. Á myndskeiðinu sést að það voru fáir á ferli og frekar rólegt yfir.

Fjöldi íslenskra námsmanna eru einnig í borginni. Vigdís María er þeirra á meðal. Hún hefur verið í námi ytra í þrjú ár. Bæði Vigdís og herbergisfélagar hennar ætla að vera eftir á meðan fellibylurinn fer yfir. Hún er meðal annars búin að kaupa dósamat og búa sig undir það versta.

Borgarstjóri New Orleans hvatti í dag íbúa til að yfirgefa borgina. Hún segir flesta í sínu hverfi ætla að vera heima þar sem þau eru í hæsta hluta borgarinnar og að flóðbylgja snerti þau lítið.

Ísak er núna yfir Mexíkóflóa og tekur sömu stefnu og Katrína áður.