Górillubræður himinlifandi að hittast á ný

Það voru sannkölluð gleðistund í dýragarðinum í Wiltshire-sýslu í Bretlandi á dögunum þegar bræðurnir Kesho og Alf hittust í fyrsta skiptið í næstum því þrjú ár. Þeir knúsuðust eins og sönnum górillum sæmir.

Kesho, sá eldri, var sendur í dýragarðinn í Lundúnum byrjun árs 2010 þar sem hann fór í gegnum einhverskonar uppeldismeðferð. Nú næstum því þremur árum síðar var hann aftur sendur á gamla staðinn. Þrátt fyrir að vera gjörbreyttur í útliti, meðal annars 90 kílóum þyngri, áttu bræðurnir ekki í neinum vandræðum með að þekkja hvorn annan.

Starfsmaður í dýragarðinum segir að starfsmennirnir hafi ekki verið vissir um hvort þeir myndu þekkjast en þegar þeir sáu hvorn annan í gegnum búrin sín var nokkuð ljóst að bræðraástin var enn til staðar.

„Þeir hittust svo um sólarhring eftir komu Kesho í garðinn og það var líkt og þeir hefðu aldrei verið frá hvor öðrum," segir starfsmaðurinn.

Bræðurnir fæddust í dýragarðinum í Dublin en voru fluttir til Wiltshire stuttu eftir fæðingu.

DailyMail greinir frá.