Rafael van der Vaart hefur samúð með Modric

Rafael van der Vaart, fyrrum leikmaður Real Madrid og núverandi leikmaður Tottenham segist hafa samúð með samherja sínum, Luka Modric, vegna þeirrar pattstöðu sem upp er komin varðandi vistarskipti Modric frá Tottenham til Real. Luka Modric hefur ítrekað lýst áhuga sínum á að ganga til liðs við Spánarmeistarana en félögin virðast ekki ná að koma sér saman um kaupverðið.

Rafael van der Vaart lék í tvö ár með Real Madrid áður en hann gekk til liðs við Tottenham og segir erfitt að bera önnur lið saman við Real ,, Þú berð önnur lið ekki saman við Real Madrid því liðið er stærsta knattspyrnulið heims. Það var sannkallaður heiður að fá að leika með þeim og ég er þakklátur fyrir þann tíma sem mér var gefinn hjá liðinu. Ég tel að allir leikmenn vilji spila þarna."

,, Ég og Luka Modric höfum verið miklir félagar í búningsklefanum og ég vorkenni honum. Þetta er flókin staða. Stjórnarformaðurinn er reiður en að sama skapi er Luka í miklu uppnámi vegna þeirrar stöðu sem upp er komin. Ég held að sættir náist á næstu þremur til fjórum dögum".