Chelsea hefur áhuga á fá Moses frá Wigan

Roberto Di Matteo, knattspyrnustjóri Chelsea, hefur staðfest að félagið hafi áhuga á að fá sóknamanninn Victor Moses sem leikur með Wigan í ensku úrvalsdeildinni. Dave Whelan, eigandi Wigan, er ekki sáttur við það verð sem Chelsea vill greiða fyrir hinn 21 árs gamla Moses og hefur Wigan hafnað þremur tilboðum frá Chelsea í leikmanninn.

Chelsea bauð 5 milljónir pund í Moses í síðustu tilraun liðsins eða sem nemur 980 milljónum ísl. kr. Moses skoraði 6 mörk á síðustu leiktíð en hann á eitt ár eftir af samningi sínum við Wigan og hann hefur ekki viljað skrifa undir nýja samning við Wigan. Moses er fæddur í Nígeríu en hann hefur leikið með flestum yngri landsliðum Englands.