Robin van Persie mun funda með Arsenal á miðvikudag

Robin van Persie mun hitta helstu stjórnendur enska úrvalsdeildarliðsins Arsenal á morgun miðvikudag þar sem að framtíðaráform hans verða umræðuefnið. Forsvarsmenn Arsenal eru sagðir reiðubúnir að greiða hollenska framherjanum allt að 7 milljónir punda á ári í laun eða sem nemur um 1,4 milljörðum kr. Vikulaun van Persie myndu hækka úr 14 milljónum kr. í tæplega 25 milljónir kr.

Hinn 28 ára gamli framherjinn var langbesti leikmaður Asenal í vetur en liðið endaði í þriðja sæti eftir hörkubaráttu um Meistaradeildarsæti við grannaliðið Tottenham. Forvarsmenn Arsenal vilja fá svör frá leikmanninum sem allra fyrst og helst áður en úrslit Evrópumóts landsliða hefjast í júní.

Fjölmörg lið hafa sýnt van Persie áhuga og þar má nefna ítalska meistaraliðið Juventus og spænsku risana Barcelona og Real Madrid. Launamál Robin van Persie verða án efa efst á baugi á fundinum á morgun en lið á borð við Englandsmeistaralið Manchester City geta boðið leikmanninum mun hærri laun. Allt að 44 milljónir kr. á viku eða sem nemur 220.000 pundum.