Dalglish: Ég vona að stuðningsmennirnir hafi farið ánægðir heim

Kenny Dalglish, stjóri Liverpool, horfði upp á sína menn vinna sannfærandi 4-1 sigur á Chelsea í ensku úrvalsdeildinni í kvöld aðeins þremur dögum eftir að Liverpool tapaði fyrir Chelsea í bikarúrslitaleiknum á Wembley.

„Leikmennirnir og allir í félaginu eru ánægðir með að enda tímabilið á góðu nótunum. Liðið hefur oft spilað eins vel og í kvöld á þessu tímabili en við höfum ekki uppskorið úrslitin sem við höfum átt skilið," sagði Kenny Dalglish.

„Þetta var gott kvöld fyrir okkur og ég vona að stuðningsmennirnir hafi farið ánægðir heim. Það eru ekki mörg félög sem búa að því að fá svona góðan stuðning ekki síst svo stuttu eftir bikartapið," sagði Dalglish.