Juve dreymir enn um Van Persie

Áhugi ítölsku meistaranna í Juventus á fyrirliða Arsenal, Robin van Persie, hefur ekkert dvínað þó svo félagið sé ekki enn búið að gera tilboð í Hollendinginn.

Van Persíe á aðeins ár eftir af samningi sínum við Arsenal og ef hann framlengir ekki við liðið í sumar má búast við því að tilboðum muni rigna yfir félagið.

Arsenal vonast til þess að vera búið að fá botn í mál leikmannsins áður en hann fer á EM með hollenska landsliðinu.

"Van Persie er frábær leikmaður. Hann er einn fjölhæfasti leikmaður heims. Við erum hrifnir af honum," sagði Giuseppe Marotta, framkvæmdastjóri Juventus.

Juventus er einnig sagt hafa áhuga á Luis Suarez og Gonzalo Higuain.