Tottenham vann þægilegan sigur á Blackburn

Hér fyrir neðan birtast sjálfkrafa allar helstu upplýsingar um framvindu leiksins sem og leikmannahópa liðanna.

Tottenham Hotspurs náði í langþráðan sigur gegn Blackburn í ensku úrvalsdeildinni í dag en heimamenn unnu þægilegan sigur 2-0.

Rafael van der Vaart skoraði fyrsta mark leiksins eftir mikinn atgang inn í vítateig Blackburn og að lokum endaði boltinn í netinu.

Tottenham var sterkari aðilinn allan leikinn og var sigur þeirra í raun aldrei í hættu. Þegar um stundarfjórðungur var eftir skoraði Kyle Walker annað mark heimamanna beint úr aukaspyrnu, stórglæsilegt mark.

Tottenham komst með sigrinum upp í fjórða sæti deildarinnar en liðið er með 62 stig, jafn mörg stig og Newcastle en með betri markatölu.

Blackburn er aftur á móti á leiðinni niður um deild í 19. sæti með 31 stig, það þarf kraftaverk til að þeir bjargi sér.