Sky: Martinez boðið stjórastarfið hjá Liverpool

Dave Whelan, stjórnaformaður Wigan, hefur staðfest það við Sky-fréttastofuna að Liverpool hafi boðið Roberto Martinez stjórastöðuna á Anfield en eigendur Liverpool leita enn að nýjum stjóra eftir að Kenny Dalglish var látinn fara.

Martinez, sem er enn stjóri Wigan, fékk leyfi félagsins til þess að tala við Liverpool en hann hitti eigendur Liverpool í Miami í gær. Whelan lak niðurstöðu fundarins í Sky og talaði um að ákvörðun um framhaldið verið tekin á næstu dögum.

„Ég var að tala við Roberto. Hann fór í gær til Miami og átti mjög uppbyggilegan fund með eiganda Liverpool. Þeir ætla að hittast aftur á þriðjudaginn. Þeir buðu Roberto starfið og hann félst á það að skoða tilboðið," sagði Dave Whelan við Sky Sports.

Whelan segir að Roberto Martinez vinni 12 tíma á dag alla daga vikunnar og að hann sé harður á því að fá fulla stjórn á öllum því sem viðkemur liðinu. „Ég veit ekki hvort að hann vilji fara þangað þar sem hann hefur ekki fulla stjórn," sagði Whelan.