Leikkona hélt dauða mömmu sinnar leyndum og hirti ellilífeyrinn

Hazel Maddock, bresk leikkona þekkt fyrir leik í sápuóperum, hefur viðurkennt að hún lét vera að tilkynna um andlát móður sinnar og hirti þess í stað ellilífeyri hennar.

Upp komst um málið í ágúst á síðasta ári þegar lík móður leikkonunnar fannst sex mánuðum eftir andlát hennar. Ekki lítur út fyrir að dauða móðurinnar hafi borið að með saknæmum hætti en hún var þá 95 ára. Maddock á yfir höfði sér fangelsisvist þegar dómur í málinu verður kveðinn upp eftir hálfan mánuð.