Keane verður seldur í janúar

Það er orðið ljóst að Robbie Keane mun yfirgefa herbúðir Tottenham í janúar. Harry Redknapp, stjóri Spurs, mun taka hæsta tilboði þar sem ekki er lengur pláss fyrir Keane.

Jermain Defoe, Roman Pavlyuchenko og Peter Crouch eru allir á undan honum í goggunarröðinni. Keane hefur aðeins verið tvisvar í byrjunarliðinu á þessari leiktíð þó svo álagið á liðið sé mikið.

Keane hefur þegar verið orðaður við Aston Villa sem og lið Teits Þórðarsonar í MLS-deildinni.

Ég held hann sé sáttur við þetta því hann vill spila fótbolta. Hann hefur allan sinn feril verið lykilmaður og kann því illa að vera á bekknum. Sá sem býður best mun fá hann," sagði Redknapp.