Eiður Smári: Frábært að ná að hjálpa liðinu

Eiður Smári Guðjohnsen skoraði langþráð mark í sigri Tottenham á Stoke. Hann átti frábæra innkomu og Tottenham situr í hinu eftirsótta fjórða sæti deildarinnar.

„Það er í okkar höndum hvort við komumst í Meistaradeildina," sagði Eiður við Sky Sports eftir leik. „Það eru mikil gæði í þessu liði og við sýndum gegn Stoke að við getum líka lagt hart að okkur."

Það hefur gengið erfiðlega hjá Eiði að vinna sér sæti í liði Tottenham en eftir að hann náði að skora er hann tilbúinn að hjálpa liðinu yfir endalínuna. „Það er nokkuð langt síðan ég skoraði mark og það er frábært að geta loks hjálpað liðinu og á heildina litið voru þetta stór úrslit fyrir okkur," sagði Eiður.

„Ég hef alltaf sagst vera fljótur á fyrstu metrunum og ég er mjög ánægður með markið mitt, ég er þó enn ánægðari með stiginn þrjú því það er ekki auðvelt að sækja sigur á Britannia völlinn."

„Fólk hefur sínar skoðanir á leikstíl Stoke en við þurftum bara að mæta þeim og vera tilbúnir í alvöru bardaga. Við lékum góðan fótbolta á köflum og börðumst vel," sagði Eiður sem er á lánssamningi frá franska liðinu Monaco.

„Ég kom hingað á miðju tímabili í mjög heilsteypt lið sem ver að gera góða hluti. Ég hef bara lagt mig allan fram á æfingum, beðið eftir tækifærinu og reynt að vera tilbúinn til að hjálpa liðinu þegar færi gefst."