Innlent

Ómar: Okkar skilaboð eru skýr

Magnús Már Guðmundsson skrifar
Frá fundi framsóknarmanna í gærkvöldi. Bæjarfulltrúinn Ómar Stefánsson er til vinstri.
Frá fundi framsóknarmanna í gærkvöldi. Bæjarfulltrúinn Ómar Stefánsson er til vinstri. Mynd/Arnþór Birkisson

Bæjarfulltrúi Framsóknarflokksins í Kópavogi segir skilaboð flokksins til sjálfstæðismanna í bæjarfélaginu vera skýr þrátt fyrir átakafund framsóknarmanna.

Fulltrúaráð framsóknarfélaganna í Kópavogi kom saman í gærkvöldi til að ræða framtíð meirihlutasamstarf flokkanna. Á fundinum bar Una María Óskarsdóttir, formaður Freyju - félags framsóknarkvenna í bæjarfélaginu, upp tillögu um að slíta bæri samstarfinu við Sjálfstæðisflokkinn en tillagan var naumlega felld.

Átakafundur

Þess í stað var samþykkt tillaga þess efnis að halda samstarfinu áfram að nokkrum skilyrðum uppfylltum. Ætli Gunnar Birgisson, fráfarandi bæjarstjóri og oddviti sjálfstæðismanna, sér að snúa aftur sem bæjarfulltrúi vilja framsóknarmenn semja um samstarf flokkanna að nýju.

„Þetta var átakafundur í gær en skilaboð okkar eru mjög skýr," segir Ómar Stefánsson, bæjarfulltrúi Framsóknarflokksins.

Gunnsteinn Sigurðsson, tilvonandi bæjarstjóri, sagði í samtali við fréttastofu í morgun ljóst að Gunnar muni snúa aftur úr því tímabundna leyfi sem hann fer í frá og með morgundeginum.

Spurður hvort ekki sé óheppilegt að óvissa ríki um meirihlutasamstarfið ákveði Gunnar að snúa aftur segir Ómar: „Eigum við ekki að bíða og sjá hvort að þeir fallist á þetta skilyrði áður en kemur að næsta fasa."

Ómar veit ekki hvenær Gunnsteinn tekur við sem bæjarstjóri. „Gunnsteinn tekur við og annað er útfærsluatriði." Hann kveðst treysta Gunnsteini til allra góðra verka. Þeir hafi unnið afar vel saman í gegnum tíðina.



Hefur bara áhrif á þá sem fylgjast með stjórnmálum

Ólafur Þór Gunnarsson, bæjarfulltrúi Vinstri grænna, sagði í samtali við fréttastofu í gærkvöldi að pólitísk veikindi væru farin að skaða bæinn. Þessu vísar Ómar alfarið á bug.

„Þetta hefur ekkert með ákvarðanir í nefndum að gera og starfsfólk bæjarins vinnur hörðum höndum eins og alltaf. Þetta á ekki að hafa nein áhrif á stjórn bæjarins. Þetta hefur ekki áhrif á aðra en þá sem fylgjast með og hafa áhuga á pólitík," segir bæjarfulltrúinn að lokum.


Tengdar fréttir

Fundarhlé hjá Framsókn - málin rædd af hreinskilni

„Málin hafa verið rædd af hreinskilni," segir Gestur Valgarðsson, formaður Framsóknarfélagsins í Kópavogi, en hann er staddur á miklum krísufundi þar sem pólitísk framtíð Kópavogsbæjar mun ráðast í kvöld.

Guðríður: Of mörgum spurningum ósvarað

Guðríður Arnardóttir, bæjarfulltrúi Samfylkingarinnar í Kópavogi, segir að enn sé of mörgum spurningum ósvarað varðandi brotthvarf Gunnars Birgissonar úr stól bæjarstjóra. Krafa minnihlutans hafi verið sú að Gunnar léti af ábyrgðarstörfum fyrir Kópavog.

„Varpar nýju ljósi á stöðu mála"

„Þetta varpar nýju ljósi á stöðu mála þar,“ segir Ómar Stefánsson, bæjarfulltrúi Framsóknar í Kópavogi, þegar blaðamaður ræddi við hann um áhrif yfirlýsingar Flosa Eiríkssonar á meirihlutasamstarfið í bænum.

Gunnar fer í leyfi

Gunnar Birgisson bæjarstjóri í Kópavogi fer í tímabundið leyfi frá störfum sem bæjarfulltrúi á meðan rannsókn stendur yfir á meintum blekkingum hans og framkvæmdastjóra Lífyerissjóðs starfsmanna bæjarins í upplýsingagjöf til Fjármálaeftirlitsins í tengslum við lán sjóðsins til bæjarins.

Segir Gunnar Birgisson hafa blekkt FME

„Eftir að stjórnin var kærð fyrir villandi upplýsingagjöf, á föstudaginn var, fór ég ítarlega yfir öll gögn í málinu. Þá kom í ljós að út- og afborgunum á lánum til Kópavogsbæjar hefur með vísvitandi hætti verið hagað þannig að gögn um þær komu ekki fram í skýrslum til Fjármálaeftirlitsins,“ segir Flosi Eiríksson, bæjarfulltrúi Samfylkingarinnar og stjórnar-maður í Lífeyrissjóði starfsmanna Kópavogs (LSK). Í yfirlýsingu sem Flosi sendi frá sér í gær sakar hann Gunnar I. Birgisson, stjórnarformann sjóðsins, um að hafa reynt að villa um fyrir Fjármálaeftirlitinu (FME) án vitneskju annarra stjórnarmanna í sjóðnum.

Ólafur Þór: Ákveðin kaflaskil

„Þetta eru ákveðin kaflaskil fyrir sveitafélagið, hinsvegar á ég erfitt með að sjá hvernig þeir ætla að starfa áfram með Gunnar innanborðs,“ segir Ólafur Þór Gunnarsson, bæjarfulltrúi Vinstri Grænna í Kópavogi um þær fréttir að Gunnar hyggist víkja úr sæti bæjarstjóra. Hann segir þó vandamálum Sjálfsstæðisflokksins í Kópavogi hvergi nærri lokið.

Rætt við VG um nýjan meirihluta í Kópavogi

Það ræðst í kvöld hvort framhald verður á meirihlutasamstarfi Sjálfstæðisflokks og Framsóknarflokks í Kópavogi. Sjálfstæðismenn hafa þegar sett í sig samband við Vinstri græna um mögulegt meirihlutasamstarf.

Bæjarstjórinn tilvonandi ósáttur við skilyrði framsóknarmanna

Gunnsteinn Sigurðsson, tilvonandi bæjarstjóri í Kópavogi, er ósáttur við skilyrði sem framsóknarmenn setja fyrir áframhaldandi meirihlutasamstarfi flokkanna. Ætli Gunnar Birgisson, fráfarandi bæjarstjóri og oddviti sjálfstæðismanna, sér að snúa aftur sem bæjarfulltrúi vilja framsóknarmenn semja um samstarf flokkanna að nýju.

Ómari leiðist biðin eftir Sjálfstæðismönnum

„Ég er að verða pirraður hérna bara á meðan ég tala við þig," sagði Ómar Stefánsson, oddviti Framsóknarmanna í Kópavogi, en hann er að eigin sögn orðinn óþolinmóður að bíða eftir hugmyndum Sjálfstæðisflokksins um framtíð meirihlutasamstarfsins.

Meirihlutinn heldur - Gunnsteinn hugsanlega bæjarstjóri

„Í þrígang stóðu fundargestir upp og klöppuðu Gunnari lof í lófa," segir Óttar Felix Hauksson, formaður fulltrúaráðs Sjálfstæðisflokksins í Kópavogi en þar var samþykkt tillaga Gunnars Birgissonar um að Gunnsteinn Sigurðsson, bæjarfulltrúi flokksins, tæki við sem bæjarstjóri Kópavogs.

Samstarf áfram með skilyrðum

Fulltrúaráð Sjálfstæðisflokksins í Kópavogi samþykkti með yfirgnæfandi meirihluta í gær að Gunnsteinn Sigurðsson tæki við af Gunnari I. Birgissyni sem bæjarstjóri.

Samfylkingin í Kópavogi: Gunnar verður að víkja

Bæjarfulltrúar Samfylkingarinnar í Kópavogi ítreka fyrri kröfu sína um að Gunnar I. Birgisson axli ábyrgð og víki sem bæjarstjóri eftir að hann hafi gerst sekur um að hygla stórlega fyrirtæki í eigu dóttur hans. Nú sé reynt að láta umræðuna snúast um skýrslur endurskoðenda og lögfræðiálit en ekki sé rætt um pólitíska og siðferðislega ábyrgð. Þetta kemur fram í tilkynningu frá Guðríði Arnardóttur, oddvita Samfylkingarinnar í bæjarfélaginu.

Vissi ekki af ákvörðun Gunnars

Gunnsteinn Sigurðsson, bæjarfulltrúi Sjálfstæðisflokksins í Kópavogi og annar maður á lista flokksins í síðustu bæjarstjórnarkosningum, hafði ekki heyrt að Gunnar I. Birgisson ætli að víkja sem bæjarstjóri þegar fréttastofa náði tali af honum.

„Meirihlutasamstarfið stendur traustum fótum eins og alltaf“

Oddvitar Framsóknarflokks og Sjálfstæðisflokks í Kópavogi funduðu í morgun um stöðu mála í bæjarpólitíkinni. Ómar Stefánsson, formaður bæjarráðs og bæjarfulltrúi Framsóknarflokksins, vildi í samtali við fréttastofu ekki tjá sig um niðurstöðu fundarins.

Gunnsteinn aftekur þreifingar við Vinstri græna

„Þetta er bara bull og vitleysa,“ segir Gunnsteinn Sigurðsson, bæjarfulltrúi Sjálfstæðisflokksins í Kópavogi, aðspurður hvort þreifingar hafi farið fram við Vinstri-græna um meirihlutasamstarf flokkanna í bænum. Bæjarfulltrúi Vinstri grænna sagði svo vera í samtali við fréttastofu fyrr í dag.

Flosi Eiríksson: Hefði viljað sjá afdráttarlausari viðbrögð

„Hann hefur ekki játað neinar yfirsjónir af sinni hálfu,“ segir Flosi Eiríksson, bæjarfulltrúi Samfylkingarinnar í Kópavogi um Gunnar I. Birgisson. Flosi jánkar því aðspurður í samtali við fréttastofu að hann hefði viljað sjá afdráttarlausari viðbrögð frá Gunnari en að hann taki sér tímabundið leyfi frá störfum.

Gunnar hættir sem bæjarstjóri: Kominn tími á kónginn

„Ég lagði það til á fundinum í gær með mínum flokksfélögum að það væri kominn tími á kónginn,“ segir Gunnar Birgisson sem fyrir skemmstu lauk fundi með Ómari Stefánssyni, bæjarfulltrúa Framsóknarmanna í Kópavogi og samstarfsfélaga Gunnars í meirihlutanum í Kópavogi. Niðurstaða þess fundar var sú að Gunnar hættir sem bæjarstjóri.

Gunnar Birgisson: Fórnarlamb skipulagðra ofsókna

Undanfarnir dagar nálgast brjálæði í ofsóknum segir Gunnar Birgisson sem telur að Samfylkingin hafi skipulagt samsæri gegn sér. Hann ætlar að láta af embætti sem bæjarstjóri í Kópavogi en segir ósanngjarnt að hann sé dæmdur fyrir viðskipti bæjarins við fyrirtæki dóttur sinnar.

Mest lesið


Fleiri fréttir

Sjá meira


×

Mest lesið