Íslenski boltinn

Bjarni: Var grimm ákvörðun

Ellert Scheving skrifar

Bjarni Jóhannsson, þjálfari Stjörnunnar, var vonsvikinn eftir leikinn í kvöld. „Þessi leikur fauk bara burt, það eina sem skilur þessi tvö lið að er þetta eina mark. Við hefðum nú alveg getað jafnað og kannski komist yfir í leiknum en stangirnar voru Eyjamönnum hliðhollar í kvöld."

Bjarni sagði einnig veðrið hafa spilað stórt hlutverk í kvöld. „Við spiluðum agaðan varnaleik í fyrri hálfleik gegn þessum sterka vindi og við sáum það bara að þetta náði aldrei að verða leikur, boltinn fauk bara og liðin spiluðu bara háloftabolta."

Daníel Laxdal fékk að líta rauða spjaldið undir lok leiksins fyrir heldur vafasamar sakir og Bjarni var ekki sáttur við spjaldið. „Ég tel þetta mjög grimma ákvörðun en leikurinn var vel dæmdur framan af, nánast engin spjöld og svosem engin átök í gangi en það er nú ekki oft sem  spekingarnir við spjöldin hlæja að dómgæslunni."

Pepsi Max-deild karla

Tengdar fréttir

Heimir Hallgríms: Framfarir á liðinu

Heimir Hallgrímsson, þjálfari ÍBV, var sáttur við sína menn í leikslok. „Það hefur verið mikill stígandi í þessu hjá okkur, fimm leikir án þess að tapa, fyrsti leikurinn sem við fáum ekki á okkur mark og mér finnst sjáanlegar framfarir á liðinu.”

Umfjöllun: Eyjamenn lönduðu sigri á Stjörnunni

Það var leiðindaveður í Vestmannaeyjum í kvöld þegar ÍBV tók á móti Stjörnunni í miklum baráttuleik sem endaði með 1-0 sigri Eyjamanna. Aðstæður voru afar leiðinlegar í kvöld en hávaðarok stóð á annað markið svo ekki var við neinum sambabolta að búast.

Mest lesið


Fleiri fréttir

Sjá meira


×

Mest lesið