Neitar að tjá sig um Lissabon sáttmálann

David Cameron flokksleiðtogi Íhaldsmanna í Bretlandi hefur nú í annað sinn neitað að láta skoðun sína í ljós varðandi þjóðaratkvæðagreiðslu um Lissabon sáttmálann, þrátt fyrir mikinn þrýsting flokksmanna hans um að gera svo.

Cameron hefur verið tregur við að útskýra hvað hann muni gera nái Íhaldsflokkurinn völdum í næstu kosningum og sáttmálinn hefur þegar verið samþykktur, í ljósi þess að Írar samþykktu sáttmálann í gær.

Cameron hefur hinsvegar sagt að hann muni ekki velta þessu fyrir sér á meðan Pólland og Tékklandi hafi ekki enn staðfest sáttmálann.

„Ég vil ekki segja eða gera neitt nú sem getur grafið undan eða skaðað það sem er að gerast í öðrum löndum, þar sem verið er að ræða hvort samþykkja eigi sáttmálann. Þetta er að mínu mati mjög skynsamlegt," sagði Cameron í spjallþætti Andrew Marr á BBC1.