Blótsyrðaflaumur Ferguson skemmdi viðtal BBC

Breska blaðið The Sun greinir frá því í dag að Sir Alex Ferguson hafi ráðist harkalega að starfsmanni Sky eftir leik Manchester United og Middlesbrough á mánudaginn. Skotinn öskraði og blótaði svo hátt að breska sjónvarpið þurfti að klippa til viðtal sitt við knattspyrnustjóra Boro eftir leikinn.

Starfsmaður Sky tók viðtal við Cristiano Ronaldo hjá Manchester United og spurði hann hvort um leikaraskap hefði verið að ræða þegar hann fiskaði vítaspyrnuna sem réð úrslitum í leiknum. Ferguson brást þá hinn versti við og hellti sér yfir fréttamanninn með hávaða og grófum blótsyrðum.

Skammt frá voru starfsmenn BBC að taka viðtal við Gareth Southgate stjóra Middlesbrough og í frétt Sun segir að þeir hafi þurft að klippa viðtalið til og endurtaka hluta þess vegna reiðilesturs Ferguson - sem í fréttinni var kallaður "hárblástur"