United vildi fá Adebayor

Emmanuel Adebayor, framherjinn skæði hjá Arsenal, hefur sagt frá því að hann hafnaði Manchester United í sumar.

Adebayor skrifaði undir nýjan samning við Arsenal og var haft eftir honum í gær United hafi viljað fá hann í sumar.

Hann segir að hann hafi verið ánægður með að stórlið eins og United hefði áhuga á honum. En á endanum hafi hann rætt við Arsene Wenger stjóra Arsenal og þá hefði verið gengið frá málunum.

Wenger kannaðist ekkert við að United hafi sett sig í samband við Adebayor en það er ólöglegt þar sem hann er samningsbundinn Arsenal.

Hann sagðist ætla ræða málið við Adebayor og athuga hvort rétt sé haft eftir honum.