Rashford hetjan í grannaslagnum | Sjáðu markið

Hinn átján ára gamli Marcus Rashford reyndist hetja Manchester United í grannaslagnum gegn Manchester City í ensku úrvalsdeildinni í dag, en United vann 0-1 sigur á Etihad.

Eina mark leiksins kom á sextándu mínútu. Rashford fór þá afar auðveldlega með Martin Demichelis og lagði boltann svo framhjá varnarlausum Joe Hart.

Bæði lið gerðu tilkall til vítaspyrnu í fyrri hálfleik; Toure fyrir City og Demichelis braut á Rashford, en dómara leiksins, Michael Oliver, lét sér fátt um finnast við litla hrifningu liðanna.

Mörkin urðu ekki fleiri í þessum grannaslag, en City-menn reyndu og reyndu hvað þeir gátu til þess að jafna metin í síðari hálfleik, en sköpuðu sér ekki mörg afgerandi marktækifæri.

Hinn átján ára Rashford því hetjan, en þetta var hans fyrsti alvöru grannaslagur og er hann yngsti leikmaðurinn til þess að skora í grannaslag þessara liða. Afleitt gengi City undanfarið heldur áfram, en þeir hafa heldur betur misst af toppliðunum.

United er því í sjötta sætinu með 50 stig, stigi á eftir Manchester City sem er með 51 stig í fjórða sætinu, en á milli þeirra er West Ham með 50 stig. Draumir City um Englandsmeistaratitilinn úr sögunni, en þeir eru nú 15 stigum á eftir Leicester.

Þetta var ekki góður dagur fyrir City því bæði að þeir töpuðu fyrir grönnum sínum í Manchester og eru nánast úr leik í baráttunni um enska meistaratitilinn þá meiddist Joe Hart, markvörður liðsins, og óvíst er hversu lengi hann verður frá.

Marcus Rashford kemur United í 0-1: