William Shatner rekur Bandaríkjamenn í frí

Gamla Star Trek-brýnið William Shatner berst nú af alefli fyrir lífi bandarískrar ferðaþjónustu sem auglýsingapersóna Priceline-ferðaskrifstofunnar.

Aðgerðir Breta gegn Íslendingum ófyrirgefanlegar

Breski stórleikarinn Ray Winstone er einhver dyggasti stuðningsmaður enska knattspyrnuliðsins West Ham. Liðið er sem kunngut er í eigu Björgólfs Guðmundssonar og hefur verið sagt eiga í fjárhagserfiðleikum síðan íslensku bankarnir hrundu. Winstone segist hins vegar engan kala bera til Björgólfs persónulega þrátt fyrir allt. Enda hafi þeir lyft þungum bagga af félaginu.

Heimilislegra tónleikahald

Áherslur í íslensku tónleikahaldi eru að breytast. Tónleikar eru orðnir smærri í sniðum en um leið fleiri.

Í fyrsta sinn á Broadway

Leikkonan Sienna Miller mun heyja frumraun sína á Broadway í New York næsta haust. Miller mun leika Miss Julie í einu af aðeins þremur hlutverkum í leikritinu After Miss Julie sem verður frumsýnt í september.

Myndamaraþoni að ljúka

Frosti Örn Gnarr Gunnarsson, stjúpsonur Jóns Gnarr, heldur úti heimasíðu þar sem hann hefur birt eina tölvugerða mynd á dag í tæpt ár. Um sannkallað mynda­maraþon er að ræða því myndirnar eru orðnar 354 talsins og eiga því aðeins ellefu eftir að birtast.

Samstarf á ís

Lítið hefur heyrst frá Megasi eftir að hann sendi frá sér metsöluplötuna Á morgun í fyrra. Þó eru ýmsar þreifingar í gangi, meðal annars hefur Raggi Bjarna sungið inn eitt lag eftir hann, „Meinfreyjublús".

Þórir framleiðir mynd um Charles Bronson

Kvikmyndin Bronson í leikstjórn hins danska Nicholas Winding Refn hefur vakið mikla athygli á Sundance-kvikmyndahátíðinni sem nú er haldin í Utah-ríki í Bandaríkjunum. Þórir Snær Sigurjónsson hjá kvikmyndafyrirtækinu ZikZak, er einn framleiðanda myndarinnar en gagnrýnendur hafa hrósað henni hástert og kvikmyndarýnir karlablaðsins FHM telur hana vera Clockwork Orange 21. aldarinnar. „Jú, hún hefur verið að fá prýðilega dóma," segir Þórir hógvær í samtali við Fréttablaðið en hann var staddur á Sundance til að fylgja eftir sýningum á stuttmynd Rúnars Rúnarssonar, 2Birds sem aldrei þessu vant fór heim verðlaunalaus.

Stefáni líkt við Edgar Allan Poe

„Óneitanlega er gaman að vera líkt við Poe. Það hljómar vel. Ég hef alltaf verið Poe-maður,“ segir Stefán Máni rithöfundur.

Harry í ástarsorg

Á meðan Íslendingar horfðu á eftir Björgvini G. Sigurðssyni úr embætti viðskiptaráðherra þá þurfti Harry Bretaprins að horfast í augu við þá staðreynd að hann væri laus og liðugur. Kærastan hans til fimm ára, Chelsy Davy, sagði honum upp í gegnum síma fyrir nokkrum dögum segir í breska götublaðinu News of the World. Samkvæmt áreiðanlegum heimildum blaðsins var Chelsy búin að fá nóg af pipar­sveinalíferni prinsins en honum hefur þótt æði gaman að skella sér á pöbbinn með vinum sínum og djamma fram á nótt. Þau ætla þó að vera áfram vinir.

Gabor tapar á Madoff

Gamla kvikmyndastjarnan Zsa Zsa Gabor tapaði að minnsta kosti 7 milljónum bandaríkjadala, jafnvirði nærri 900 milljónum íslenskra króna, á svikum bandaríska viðskipamannsins Bernards Madoff.

Harry hættur með kærustunni

Harry Bretaprins og kærasta hans Chelsy Davy hafa bundið enda á samband sitt. Að sögn breska blaða skilja þau í sátt. Þau hafa þekkst í fimm ár og hafa minnst einu sinni áður slitið sambandi sínu.

Lygin ein og Easy to fool áfram í Euruvision

Lögin Lygin ein og Easy to fool komust í úrslitaþátt Söngvakeppni Sjónvarpsins þegar þegar þau hlutu flest atkvæði í þriðju forkeppninni sem fór fram í kvöld.

Ulrika sigraði Big Brother fyrst kvenna

Sænska sjónvarpskonan Ulrika Jonsson sigraði í Celebrity Big Brother raunveruleikaþættinum á Channel 4 í Bretlandi. Ulrika er mjög þekkt úr bresku sjónvarp og fyrir hafa búið með fótboltakappanum Stan Collymore.

Rúmlega 4000 Fésbók notendur styðja Geir

Geir H. Haarde hefur fengið hlýjar kveðjur eftir að hann tilkynnti um veikindi sín í gær. Þannig hafa hátt í fjögur þúsund manns notað tengslasíðuna Facebook til að óska honum góðs bata. Sértök síða til að gera það hefur verið stofnuð og má þar lesa fjöldann allan af kveðjum þar sem honum er óskað hins besta í baráttunni við veikindi sín.

Heiður að fá tilnefningu

Spænska leikkonan Penelope Cruz segir það mikinn heiður af hafa verið tilnefnd til Óskarsins fyrir hluterk sitt í Vicky Christina Barcelona. „Þessi tilnefning er heiður og hefur mikla þýðingu fyrir mig," sagði Cruz.

Elítan drakk kampavín í boði barónessu

Íslenskir listamenn átu og drukku í boði Fransescu von Habsburg á veitingastaðnum Við Tjörnina um svipað leyti og táragassprengjum var varpað á Austurvelli.

Hafnaði Coldplay

Alex James, bassaleikari Blur, missti af tækifæri til að fá hljómsveitina Coldplay til að semja við útgáfufyrirtæki sitt.

Yfirheyrður af lögreglu vegna tölvupósts

„Ég tók smá kast á netinu. Á til að vera gífuryrtur. Var svo handtekinn og yfirheyrður því ég þótti ógn við ráðamenn," segir Þorri Jóhannsson, skáld með meiru.

Benni Ólsari vill tíu milljónir

„Þetta mál er fyrsta sinnar tegundar á Íslandi. Prófmál og engin furða að þessir menn séu að míga á sig. Hætt að sýna Kompás og allt enda þeir búnir að kúka upp á bak þessir pappakassar,“ segir Benjamín Þór Þorgrímsson – betur þekktur sem Benni Ólsari.

Tónleikaferðin gekk framar vonum

Tónleikaferð hljómsveitarinnar Hjaltalín um Evrópu lýkur í ensku borginni Coventry í kvöld. Söngkonan Sigríður Thorlacius segir að ferðin hafi gengið framar vonum. „Þetta er búið að vera mjög skemmtilegt og það er eiginlega búið að vera skemmtilegt alls staðar. Það var mjög gaman í Þýskalandi og líka á Eurosonic í Hollandi,“ segir Sigríður.

Smáaurar fyrir Iron Man

Orðrómur er uppi um að Mickey Rourke hafi verið boðnir 250 þúsund dollarar, eða um 32 milljónir króna fyrir að leika í framhaldi hasarmyndarinnar Iron Man.

Skemmti sér konunglega

Fjölskylda leikarans sáluga Heaths Ledger segist vera stolt og spennt yfir tilnefningu hans til Óskarsins. Ledger, sem lést fyrir ári síðan, fékk fyrir skömmu Golden Globe-verðlaunin fyrir hlutverk Jókersins í The Dark Knight.

Blanchett á frímerki

Andlit leikkonunnar Cate Blanchett mun prýða ný frímerki sem framleidd verða í heimalandi hennar, Ástralíu. „Ég er bæði undrandi og auðmjúk yfir því að ég sé orðin að frímerki. Milljónir Ástralíubúa eiga eftir að sleikja mig og ég get ekki beðið eftir því," sagði Blanchett. „Þetta sýnir einnig fram á gildi listarinnar í Ástralíu og færir hana í átt til almennrar neyslu. Ef ég er orðin hluti af því þá er ég virkilega stolt."

Flytja inn 50 kíló af haggis

„Við veltum því auðvitað fyrir okkur hvort þetta væri heppileg hátíð fyrir Íslendinga. En við getum ekki látið smá milliríkjadeilu stöðva okkur," segir Einar Skúlason, formaður Edinborgarfélagsins, en félagið stendur fyrir 31. Burns Supper-hátíðinni í Kiwanis-húsinu við Engjateig í kvöld.

Augu Dana beinast að Íslandi

Danska rokksveitin D-A-D mætti til landsins í gærdag og heldur styrktartónleika fyrir Íslendinga í vanda á Nasa í kvöld. Danskir fjölmiðlar sýna heimsókninni áhuga.

Oasis til Kína

Rokkararnir í Oasis hafa ákveðið að halda tónleika í Kína í fyrsta sinn á ferlinum. Gallagher-bræður og félagar spila í Peking og Sjanghæ þriðja og fimmta apríl en áður höfðu þeir ákveðið að koma fram í Hong Kong hinn sjöunda þess mánaðar. Oasis hefur einnig tilkynnt að hljómsveitirnar Reverend and the Makers, Twisted Wheel og The Peth muni hita upp fyrir hljómsveitina á tónleikum í Bretlandi í sumar.

Kelly Osbourne í meðferð

Kelly Osbourne, dóttir rokkhjónanna Ozzy og Sharon, hefur skráð sig í meðferð, og ekki í fyrsta skipti. Osbourne, sem er 24 ára gömul skráði sig sjálfviljug á Hazelden sjúkrastofnunina í Oregon í dag til þess að takast á við „persónuleg málefni“ eins og blaðafulltrúi hennar orðaði það í tilkynningu.

Óska Geir góðs bata

„Ég óska Geir innilega góðs bata og þó ég hafi verið pólitískur andstæðingur hans þá finnst mér þetta skelfilegur sjúkdómur og óska honum alls góðs," segir Eva Hauksdóttir norn þegar Vísir spyr hana um bænir sem fólk getur farið með fyrir ættingja sem takast á við veikindi. „Þegar góður vinur min fékk krabbamein safnaði ég saman kveðjum frá vinum og kunningjum ásamt galdrastöfum sem ég gerði til handa honum um góðan bata en galdur er tákn um ósk sem þú kastar," útskýrir Eva og tekur fram að hún er trúleysingi.

Heimir og Kolla á BBC

„Maður er eiginlega alveg orðinn ruglaður. Ég held að ég sé bókaður í viðtöl langt fram eftir kvöldi," segir morgunhaninn Heimir Karlsson. Lopapeysusöfnun útvarpsþáttarins Ísland í bítið virðist sanna fyrir fullt og allt að Íslendingar bera engan kala til Breta.

Hálaunuð Madonna í vinnunni - myndband

Hér má sjá Madonnu og hönnuðinn Marc Jacobs í vinnunni. Þau vinna að því að taka auglýsingamyndir þar sem Madonna teygir úr sér á frönsku reykmöttuðu veitingahúsi fyrir Louis Vuitton töskuframleiðandann. Fyrir að sitja fyrir í auglýsingaherferðinni fékk Madonna í kringum 1.150.000.000.- íslenskar krónur og toppar þar með bresku ofurfyrirsætuna Kate Moss í launum. Horfa á myndbandið hér.

Ólafur F. ryður Benna Ólsara út

„Þetta er bara fyndið. Auddi var að hringja í mig og flauta þetta af. Þá var allt orðið vitlaust,“ segir Benjamín Þór Þorgrímsson sem betur er þekktur sem Benni Ólsari sem komið hefur við sögu í fréttum af handrukkunum.

Nóra græðir á kreppunni

Bandaríkjamaðurinn Seanie Blue var svo ánægður með hljómsveitina Nóru að hann borgaði hljóðverstíma undir sveitina. „Þetta er náungi sem kom hingað fyrir löngu en kom svo aftur núna í kreppunni. Hann segist hrífast svo af sköpunarkraftinum sem hann segist finna í ástandinu hérna núna,“ segir Auður Viðarsdóttir, söngkona hljómsveitarinnar Nóru.

Ný plata Benna kemur út í Japan

Murta St. Calunga, nýjasta plata Benna Hemm Hemm, er nýkomin út í Japan. Fyrirtækið Afterhours gefur plötuna út þar í landi í samstarfi við Kimi Records. Mikil vinna hefur verið lögð í textaþýðingar og greinargóðar skýringar sem fylgja með plötunni og því greinilegt að miklar vonir eru bundnar við útgáfuna. Murta St. Calunga kom út síðasta sumar við góðar undirtektir og því má telja líklegt að Japanir eigi einnig eftir að taka plötunni opnum örmum.

Ljónheppinn tískuljósmyndari í búsáhaldabyltingunni

„Eins og ég hafi pantað þetta,“ segir Ari Magg, auglýsinga- og tískuljósmyndari, og einhver sá virtasti á sínu sviði.

Guðjón Bergman skrifar skáldsögu á ensku

„Ég er bara rétt að byrja, en markmiðið er að klára bókina á þessu ári og ég stend yfirleitt við það sem ég ætla mér,“ segir Guðjón Bergmann, jógakennari og rithöfundur, sem vinnur nú að nýrri skáldsögu á ensku sem kallast The Search.

Hvetur fólk til að elda

Haukur Valgeir Magnússon, matreiðslumaður á Argentínu steikhúsi, vann hjá Jamie Oliver í London. Hann viðurkennir að vera undir áhrifum frá honum í matargerð og fleiru og vill að fólk eldi meira sjálft heima.

Sturlunga vaknar til lífsins

Benedikt Erlingsson leikari vinnur að heimildarþáttum um Sturlungaöld. Tökur hefjast líklega í sumar.

Mógil í tónleikaferð um Belgíu

Íslensk-belgíska hljómsveitin Mógil er á leiðinni í tónleikaferð um Belgíu í febrúar. Sveitin spilar tilraunakennda djasstónlist með þjóðlegu, klassísku ívafi og hlaut fyrsta plata hennar, Ró, tilnefningu til Íslensku tónlistarverðlaunanna í ár.

Tomkat vilja bæði leika á sviði

Stjörnuparið Tom Cruise og Katie Holmes íhugar nú að flytja til London. Ástæðan er sú að þau vilja bæði taka að sér hlutverk í leikritum á West End.

Benjamin með 13 Óskarstilnefningar

Rómantíska fantasían The Curious Case of Benjamin Button hlaut þrettán tilnefningar til Óskarsverðlaunanna í ár. Næst á eftir kom Slumdog Millionaire með tíu tilnefningar.

Yfirgefur Bad Seeds

Mick Harvey, einn af stofn­endum hljómsveitarinnar Nick Cave and the Bad Seeds, hefur ákveðið að yfirgefa hljómsveitina. „Af ýmsum persónulegum og öðrum ástæðum hef ég ákveðið að hætta samstarfi mínu við Nick Cave & the Bad Seeds,“ sagði í yfirlýsingu frá Harvey. „Eftir 25 ár yfirgef ég hljómsveitina á einum af mörgum hápunktum hennar; í mjög heilbrigðu ásigkomulagi og með frábærar framtíðarhorfur.“

Raunveruleikaþáttur um Ásdísi Rán í bígerð

„Það er svo sem engin merkileg ástæða. Ég bara er í smá hvíld," svarar Ásdís Rán aðspurð um ástæðuna fyrir því að hún er hætt að blogga. „Þrátt fyrir það hef ég tekið eftir mörgum bloggurum þar sem fólk kvartar undan athyglinni sem ég fæ í fjölmiðlum og kanski ekki alveg ástæðan hjá mér með þessu bloggi að vera pirra fólk heldur frekar aðstoða," segir Ásdís Rán og hlær.

Guðni Ágústsson setur hús sitt á sölu

„Flytja til útlanda? Ertu galinn? Ég er Íslendingur fram í fingurgóma,“ segir Guðni Ágústsson, fyrrverandi formaður Framsóknarflokksins.

Fjölbreytnin í fyrirrúmi í Eurovision

Þriðji skammtur af Euro­visionlögum ársins verður borinn fyrir landsmenn á laugardaginn, fjögur lög að vanda.

Lögregla keyrði á tónlistarmann

„Ég stóð þarna og var að láta skoðun mína í ljós, án ofbeldis af nokkru tagi, og uppskar lögreglubíl í fangið og kylfu í bakið,“ segir Árni Rúnar Hlöðversson, tónlistarmaður og meðlimur í hljómsveitinni FM Belfast. Árni segir lögreglubíl með fanga innanborðs hafa keyrt á sig á leið frá Alþingishúsinu í mótmælunum á þriðjudag.