Flugstöðin orðin bleik

Flugfarþegar á leið um Flugstöð Leifs Eiríkssonar eiga von á því að sjá flugstöðina í nýjum búningi í október því vegna átaks Krabbameinsfélagsins hefur fjugstöðin verið sveipuð bleikum ljóma.

Mótmæli í kvöld - varað við blöðrumyndun

Boðað hefur verið til mótmæla klukkan hálf átta í kvöld við Alþingi en þá flytur Jóhanna Sigruðardóttir forsætisráðherra stefnuræðu sína.

Undrandi á 120 þúsund króna framfærslu

Guðbjartur Hannesson, ráðherrra velferðarmála, segir mikilvægt að vinna gegn fátækt þannig að færri þurfi að sækja sér matargjafir hjá hjálparsamtökum. „Í fyrsta lagi þarf að laga grunnframfærslu sveitarfélaganna. Það er kannski „billegt" af mér að vera að vísa á sveitarfélögin en það hefur komið mér á óvart að þar er verið að vinna með 120 til 126 þúsund sem framfærslu," segir hann.

Réttað í meiðyrðamáli gegn bæjarfulltrúum Kópavogs

Aðalmeðferð í máli Frjálsra miðlunar, sem er í eigu dóttur Gunnars Birgissonar, fyrrverandi bæjarstjóra Kópavogs, gegn bæjarfulltrúum Samfylkingarinnar og VG þar í bæ, hófst klukkan níu í morgun. Réttað er í Héraðsdómi Reykjaness.

Óttast að Sarkozy muni trufla aðildarviðræður Íslands að ESB

Deilur Nicholas Sarkozy Frakklandsforseta við framkvæmdastjórn Evrópusambandsins um meðferð Frakka á sígaunum innan sinna landamæra gætu haft afleiðingar fyrir aðildarviðræður Íslendinga að sambandinu.

Deildartunguhver ekki aflögufær með vatn í miðaldaböð

Vatnsmesti hver í Evrópu, Deildartunguhver í Reykholtsdal, er ekki aflögufær um baðvatn í fyrirhuguð miðaldaböð í grennd við hverinn.

Mikill tekjusamdráttur blasir við útgerðum og sjómönnum

Mikill afla- og tekjusamdráttur blasir við útgerðum og sjómönnum uppsjávarskipa, sem veiða síld, kolmunna,loðnu og makríl.

Róttækra breytinga þörf á starfi Samfylkingarinnar

Guðrún Jóna Jónsdóttir tölvunafræðingur, sem kjörinn var formaður Ungra jafnaðarmanna á landþingi samtakanna í gær, sagði í ræðu sinni á þinginu að rótækra breytinga væri þörf á innra starfi Samfylkingarinnar.

Umfangsmikil leit að Andrési bar ekki árangur

Umfangsmikil leit að Andrési Tómassyni á Suðvesturlandi og víðar, bar ekki árangur í gær og verður henni fram haldið með birtingu.

Árásarmaðurinn á Akureyri er enn í haldi

Karlmaður, sem réðst á annan mann í fjölbýlishúsi við Tjarnarlund á Akureyri í gærmorgun, er enn í haldi lögreglunnar á Akureyri og verður yfirheyrður með morgninum.

Ósætti vegna ráðningar skrifstofustjóra

Umsækjendur um starf skrifstofustjóra auðlindaskrifstofu í sjávarútvegs- og landbúnaðarráðuneytinu eru ósáttir við niðurstöðu Ögmundar Jónassonar, dóms- og samgöngumálaráðherra, um að ráða Jóhann Guðmundsson, aðstoðarmann Jóns Bjarnasonar, sjávarútvegs- og landbúnaðarráðherra, í starfið.

Tvö hundruð manns leituðu um helgina

Rúmlega 200 björgunarsveitar- og lögreglumenn leituðu að Andrési Tómassyni um helgina. Andrés hefur verið týndur í tíu daga og sást síðast til hans föstudaginn 24. september.

Hagsmunahópar fjármagna Evrópusambandsbaráttuna

Já og nei samtökin íslensku, gagnvart ESB-aðild landsins, fjármagna sig að mestu leyti með framlögum hagsmunahópa í atvinnulífinu.

Nýta eiginleika sem heilbrigt fólk skortir

Gangi áætlun fyrirtækisins Sérfræðingarnir eftir munu allt að átján einhverfir einstaklingar hljóta þjálfun strax á næsta ári sem gerir þeim kleift að takast á við verkefni á almennum vinnumarkaði.

Eiga að mæta með hávaðatól

Boðað hefur verið til mótmæla á Austurvelli klukkan 19.30 í kvöld. Jóhanna Sigurðardóttir forsætisráðherra flytur stefnuræðu sína á sama tíma og er fólk hvatt til þess að mæta með stóra hljómgjafa til þess að „skapa réttan undirleik og umgjörð“ eins og segir á Facebook-síðu fyrir mótmælin sem ganga undir nafninu Tunnumótmælin.

Lömuð kona slasaðist vegna kæruleysis bílstjóra

Slys við flutning á fatlaðri konu hefur orðið til þess að Umferðarstofa vill endurskoða reglur um ábyrgð ökumanna. Konan, sem er mikið fötluð, slasaðist þegar verið var að flytja hana á milli staða í bíl í mars síðastliðnum. Hjólastóll konunnar var festur í bílinn en konan ekki í stólinn. Hún féll úr stólnum þegar bílstjórinn ók út á afrein. Konan er lömuð og gat því ekki tryggt sig þegar bíllinn beygði. Málið er komið til ákærusviðs lögreglunnar á höfuðborgarsvæðinu. Talið er að reglur um öryggisbúnað hafi ekki verið brotnar en ákvörðun um framhald málsins hefur ekki verið tekin.

Reyðarfjarðarlína verður endurreist

Ákveðið hefur verið að endurreisa sauðfjárveikivarnarlínu sem liggur upp úr Reyðarfirði vegna garnaveiki sem kom upp í Fáskrúðsfirði í vetur.

Í haldi lögreglu eftir alvarlega líkamsárás

Rannsóknarlögreglan á Akureyri rannsakar nú alvarlega líkamsárás sem varð við Tjarnarlund á Akureyri í morgun. Tveir menn voru handteknir vegna málsins og er annar þeirra enn í haldi lögreglunnar. Lögreglan gat ekki gefið frekari upplýsingar um málið þegar Vísir kannaði málið nú undir kvöld.

Fagurgrænn og umdeildur og Jón Gnarr veit ekki hvað hann á að gera við hann

Hjólreiðamenn nýta sér ekki hjólreiðastíginn við Hverfisgötu því þeir telja öruggara að ferðast hinum megin við götuna. Íbúar við Hverfisgötu hafa lagt bílum sínum við stíginn og þá hafa þeir kvartað yfir stígnum og þeim bílastæðum sem tekin voru í burtu.

Nýr formaður UJ segir ótækt að skera niður fæðingarorlof

Guðrún Jóna Jónsdóttir var kjörin formaður samtaka Ungra jafnaðarmanna, á landsþingi sem haldið var nú um helgina. Í ræðu á þinginu sagðist hún

Leit að Andrési hefur ekki borið árangur

Leit að Andrési Tómassyni hefur staðið yfir í allan dag án árangurs, samkvæmt upplýsingum frá lögreglunni á höfuðborgarsvæðinu. Síðast er vitað um ferðir Andrésar á föstudaginn 24. september. Hann er með bifreiðina LZ-195 sem er ljósbrún Suzuki Grand Vitara árgerð 2003.

Sérstakur saksóknari í máli Geirs kjörinn á miðvikudag

Gert er ráð fyrir að sérstakur saksóknari Alþingis vegna ákæru á hendur Geir Haarde verði skipaður á þingfundi á miðvikudag, segir Ásta Ragnheiður Jóhannesdóttir. Hún á von á því að farið verði með kosninguna með svipuðum hætti og þegar að Umboðsmaður Alþingis er kosinn.

Um 70 björgunarsveitahópar leita Andrésar

Um 70 hópar leitarfólks frá 17 björgunarsveitum leita í dag Andrésar Tómassonar sem saknað hefur verið frá heimili sínu í Reykjavík í rúma viku.

Vilja að ríkisstjórnin grípi strax til aðgerða fyrir heimili og fyrirtæki

Framsóknarflokkurinn leggur áherslu á að ríkisstjórn Íslands grípi þegar til almennra aðgerða til að leysa vanda heimila og fyrirtækja.

Útgjöld fæðingarorlofssjóðs skorin niður um milljarð

Fæðingarorlof styttist og hámarksgreiðslur úr fæðingarorlfossjóði lækka samkvæmt fjárlagafrumvarpi næsta árs. Draga á úr útgjöldum fæðingarorlofssjóðs á næsta ári um einn milljarð króna.

Skuldastaða ríkisins ekki slæm í alþjóðlegum samanburði

Skuldir ríkisins eru ekki jafn háar í alþjóðlegum samanburði og margir halda. Ef áætlun stjórnvalda og AGS gengur eftir verða skuldir ríkisins svipaðar og í nágrannaríkjum okkar og lægri en í bæði Bretlandi og Írlandi. Þá er atvinnuleysi hér það sama og í OECD-ríkjum.

Um 80% heimila heimsótt í gær

Gert er ráð fyrir að um það bil 80% af heimilum landsins hafi verið heimsótt af sjálfboðaliðum Rauða krossins í gær. Rauði krossinn þakkar sjálfboðaliðum sem gengu til góðs og þeim sem tóku á móti sjálfboðaliðunum og gáfu í söfnunina, í tilkynningu sem send var fjölmiðlum í morgun.

Um helmingur stöðuveitinga á pólitískum forsendum

Um helmingur stöðuveitinga í stjórnsýslunni eru á pólitískum forsendum, sagði Gylfi Dalmann Aðalsteinsson, dósent í viðskiptafræði við Háskóla Íslands í þættinum Sprengisandi á Bylgjunni í morgun.

Fjögur skipti vann Gyllta lundann

RIFF kvikmyndahátíðin náði hápunkti þegar að verðlaunaafhending fór fram í fullum sal í Háskólabíó í gærkvöld. Ítalska myndin „Fjögur skipti" vann Gyllta Lundann, aðalverðlaun hátíðarinnar. Að lokinni verðlaunaafhendingu var kvikmyndin Brim svo frumsýnd en það er nýjasta afurð Vesturports leikhópsins.

Drengur á batavegi eftir bílslys

Tíu ára drengur sem ekið var á í Reykjanesbæ í fyrrakvöld hefur verið fluttur af gjörgæsludeild Landspítalans og á barnaspítalann. Ekki fengust nánar upplýsingar um líðan hans. Slysið varð um klukkan sjö í miðbæ Keflavíkur fyrradag þegar drengurinn ætlaði að fara yfir götu á reiðhjóli. Hann hlaut meiðsli á höfði en lögreglumaður segir að hjálmur sem drengurinn var með þegar slysið varð hafi hugsanlega gert gæfumuninn að ekki fór ver.

Geir í viðtali við FT: Pólitískir andstæðingar að jafna sakirnar

Geir H. Haarde segir í viðtali við breska viðskiptadagblaðið The Financial Times í dag að pólitískir andstæðingar sínir séu að jafna við sig sakirnar, það sé hin raunverulega ástæða á bak við ákæru Alþingis á hendur honum fyrir landsdómi.

Segir Íslendinga ekki þorparana í makrílstríðinu

Friðrik J. Arngrímsson, framkvæmdastjóri LÍÚ, skrifar bréf í breska blaðið The Scotsman í dag þar sem hann segir að Íslendingar séu ekki þorparar í stríðinu um makrílinn

Ógnaði fólki með sveðju í Seljahverfi

Karlmaður í annarlegu ástandi ógnaði fólki með 40-50 sentimetra langri sveðju við fjölbýlishús í Seljahverfi rétt eftir miðnætti í nótt. Hann slasaði sem betur fer engan. Karlmaðurinn var handtekinn og gistir fangageymslur lögreglunnar þangað til að rætt verður við hann síðar í dag.

„Sjúkrahússtarfsemin á Húsavík sem slík er lögð af“

Guðbjartur Hannesson, heilbrigðisráðherra, segist ekki útiloka endurskoðun á niðurskurði framlaga til einstakra stofnana. Flaggað var í hálfa stöng við Heilbrigðisstofnun Þingeyinga á Húsavík í dag þar sem fyrirhugað er að skera framlög til stofnunarinnar niður um tæp 40 prósent í fjárlögum næsta árs.

Þúsund manns í jarðaför ferðafrelsis Íslendinga

Fimm metra hár kross var reistur í Kistuöldu rétt fyrir neðan Vonarskarð í dag þar sem fjöldi fólks var mættur vilð jarðarför ferðafrelsis Íslendinga. Það voru útivistarfélög víða af landinu sem stóðu fyrir uppákomunni en með henni var verið að mótmæla áformum um að loka fjölda leiða fyrir umferð í Vatnajökulsþjóðgarði.

Héðinsfjarðargöng opnuð í dag

Mikil gleði ríkti meðal íbúa Ólafsfjarðar og Siglfufjarðar þegar samgönguráðherra og vegamálastjóri vígðu Héðinsfjarðargöng, eitt mesta samgöngumannvirki Íslands, klukkan þrjú í dag.

Lögreglan óskar eftir aðstoð almennings

Lögreglan á höfuðborgarsvæðinu óskar eftir aðstoð almennings varðandi leitina af Andrési Tómassyni og bifreið hans Suzuki Grand Vitara með bílnúmerið LZ-195.

Velti bílnum undir áhrifum lyfja

Kona slasaðist þegar að bíll hennar valt undir Ingólfsfjalli, vestan við Selfoss í dag. Hún var flutt með sjúkrabíl til Reykjavíkur til skoðunar, en meiðsli hennar eru minniháttar, samkvæmt upplýsingum frá lögreglunni á Selfossi.

Fyrsti vinningur fimmfaldur næst

Enginn var með allar aðaltöurnar réttar í útdrætti vikunnar og verður 1. vinningur þvi fimmfaldur næst.

Tvöfalt hagkerfi á Íslandi - vilja dollara og evrur allan sólarhringinn

Tvöfalt hagkerfi á Íslandi hefur verið staðreynd um nokkra hríð, enda taka veitingahús og verslanir við erlendum gjaldeyri. Það er hins vegar nýmæli að verslanir auglýsi slíkt, en 10-11 verslanirnar segjast taka við dollurum og evrum allan sólarhringinn, alla daga.

Niðurskurður fyrir austan: „Fólk er mjög áhyggjufullt“

„Fólk er mjög áhyggjufullt, ég bý sjálfur á Neskaupsstað þar sem Fjórðungssjúkrahúsið er, og ég finn það greinilega í dag þegar fólk er að sjá þessar fréttir," segir Jón Björn Hákonarson, forseti bæjarstjórnar í Fjarðabyggð. Í nýjum fjárlögum kemur fram að skera þurfi 25 prósent í rekstri Heilbrigðisstofnunar Austurlands. „Þetta mun hafa gríðarleg áhrif á starfsemina.," segir Jón Björn.

Búið að heimsækja 60 prósent heimila

Um það bil 60 prósent af heimilum landsins hafa nú verið heimsótt af sjálfboðaliðum Rauða krossins og fengið frábærar móttökur.

Aðsóknarmet slegið á RIFF - Yfir 20 þúsund manns sótt hátíðina

Aðsókn að Alþjóðlegri kvikmyndahátíð í Reykjavík hefur farið fram úr væntingum aðstandenda hátíðarinnar og fyrir liggur að hátíðin í ár verður sú aðsóknarmesta frá upphafi. Yfir 20 þúsund manns hafa sótt hátíðina og er þar með slegið aðsóknarmet hátíðarinnar 2009. Í tilkynningu segir að það megi líta á það sem staðfestingu þess að kvikmyndahátíðin RIFF fer vaxandi með hverju árinu.

Fólksflótti, tekjuskerðing og tilveru ógnað

Framsóknarfélag Þingeyinga lýsir yfir undrun og hneykslun þeim niðurskurði í heilbrigðiskerfinu og tæplega 40 prósent niðurskurði sem lendir á Heilbrigðisstofnun Þingeyinga. Í tilkynningu segir að vegna þessa verða íbúar á þjónustu svæði heilbrigðisstofnunarinnar fyrir tífallt meiri niðurskurði í heilbrigðisþjónustu en hinn almenni Íslendingur.

Á annað þúsund manns ganga til góðs

Vel á annað þúsund manns hafa skráð sig til þátttöku í landssöfnun Rauða krossins Göngum til góðs. Rauði krossinn bendir fólki á að mæta beint á söfnunarstöðvar, því reynslan sýni að meirihluti sjálfboðaliða skrái sig ekki fyrirfram. Söfnunarstöðvar á höfuðborgarsvæðinu opnuðu kl. 10:00 í morgun og verða opnar fram til kl. 18:00.