Mikill tekjusamdráttur blasir við útgerðum og sjómönnum

Mikill afla- og tekjusamdráttur blasir við útgerðum og sjómönnum uppsjávarskipa, sem veiða síld, kolmunna,loðnu og makríl.

Samkvæmt stofnmælingum Alþjóðahafrannsóknaráðsins verður heildarkvóti af Norsk- íslenskri síld minnkaður um nærri hálfa milljón tonna, eða úr tæpum 15 hundruð þúsundum niður í tæp 500 þúsund tonn.

Niðurskurðurinn er hlutfallslega enn meiri í kolmunna, eða úr 540 þúsund tonnum niður í aðeins 40 þúsund tonn, á næsta ári og alger óvissa ríkir um loðnuveiðar.

Ljósið í myrkrinu er hisnvegar að Alþjóðahafrannsóknaráðið leggur til að makrílkvótinn verði aukinn upp í rúm 600 þúsund tonn, eða um 70 þúsund tonn.