Mikil gleði ríkti meðal íbúa Ólafsfjarðar og Siglfufjarðar þegar samgönguráðherra og vegamálastjóri vígðu Héðinsfjarðargöng, eitt mesta samgöngumannvirki Íslands, klukkan þrjú í dag.

Göngin fela í sér stórbættar samgöngur og lífsgæði fyrir íbúa á Ólafsfirði og Siglufirði, en bæirnir mynda saman sveitarfélagið Fjallabyggð. Margir þingmenn úr kjördæminu og íbúar úr sveitarfélaginu voru viðstaddir þegar göngin voru opnuð fyrir almenna umferð.